كنت النهاردة في منطقة الراس في دبي .. وهي منطقة جميلة .. موجود فيها ميناء .. وتحس انها منطقة تراثية شوية .. منطقة الراس زيها زي كتير من الأماكن اللي اساميها قديمة .. حاولت أعرف منين جه اسم " الراس " وأنا بأبحث لقيت شوية معلومات كويسة
ان ما يميز هذه الاسماء انها قديمة ولها جذورها التاريخية في الماضي الاصيل وقد برز جمالها في الحاضر.. ومن الاسماء التي لها معانٍ نجد منطقة الراس وتعني رأس اليابسة الممتد في البحر فسميت راس
طبعا الصورة باين فيها المراكب .. المنطقة دي مرسى للمراكب .. كل يوم بيوصل هنا مئات السفن والمراكب اللي شايلة بضائع من دول تانية .. تفرغ بضاعتها وتاخد بضاعة تانية لبلدها وهكذا
العمال بينزلوا البضائع من السفن .. كل ما يخطر على البال موجود
دي العبارات اللي بتنقل الناس الناحية التانية .. بدرهم واحد فقط لا غير
دي مجموعة من السفن الكبيرة في المرسى
دي سفينة في طريقها للميناء
ده بزار موجود أمام المرسى .. بيبيع الحاجات التذكارية " سوفونيرز " .. شايفين الولد والبنت دول .. والزي العربي
في نفس الوقت عارض البياع بدل رقص وشيشة .. مش عارف ايه علاقتهم بالموضوع
طبعا الزحمة وراك وراك في دبي .. في أي مكان صحرا ان كان أو بستان .. حتى ولو كنت في " الراس " ـ
0 التعليقات:
إرسال تعليق