2008-11-30

جولة في دبي - برج دبي


السلام عليكم ورحمة الله وبركاته



كل عام وأنتم بخير .. تقبل الله منا ومنكم صالح الأعمال .. ياترى عاملين إيه في العشر الأوائل من ذي الحجة .. أفضل الأيام عند الله كما قال النبي صلى الله عليه وسلم : (ما من أيام العمل الصالح فيها أحب إلى الله من هذه الأيام ـ يعني أيام العشر ـ قالوا : يا رسول الله، ولا الجهاد في سبيل الله؟ قال: ولا الجهاد في سبيل الله، إلا رجل خرج بنفسه وماله ثم لم يرجع من ذلك بشيء) [رواه البخاري] ـ



إن شاء الله ربنا يعينا فيهم ويوفقنا لكل خير .. ياريت نقدر نصومهم بإذن الله أو على الأقل اللي مش هايقدر يصومهم كلهم يصوم يوم عرفة .. قال النبي صلى الله عليه وسلم : (صيام يوم عرفة احتسب على الله أن يكفر السنة التي قبله والتي بعده) [رواه مسلم] ـ



ده رابط رائع في فضل العشر الأوائل من ذي الحجة من موقع صيد الفوائد




http://www.saaid.net/mktarat/hajj/6.htm



أعتذر عن عدم تواجدي الأيام اللي فاتت لأن عندي بعض الظروف وجزاكم الله خير على سؤالكم .. ودعواتكم لي بالتوفيق وتيسير الأحوال .. الله يسعدكم يارب .. الأيام دي بصراحة ليست لدي الرغبة في الكتابة .. ولكن للتواصل معكم سأتواصل معكم بعدسة الكاميرا : ) اليوم هآخدكم جولة في دبي .. وأترككم مع بعض الصور التقطها من أيام فقط .. طبعا لتكبير الصورة اضغط عليها هاتفتح في نافذة جديدة بحجم كبير





مقطع فيديو لبرج دبي أعلى بناء في العالم إلى الأن











لاحظوا صورة الرافعة ( الكرين ) في أعلى البرج يبدوا وكأنه صغير جدا مع أنه ضخم











الذي يمر من أمام البرج هو ( مترو دبي ) متوقع افتتاحه في شهر 9\2009







هناك فرق










بعض المباني بتصميم متميز















دبي تضم أكثر من 25 % من الرافعات ( الكرين ) في العالم















صورة لدوار الساعة بدبي











دي صورة وجدتها بإحدى المدونات لدوار الساعة قديما .. شوفوا الفرق






جزاكم الله كل خير .. أراكم دائما على الخير والطاعة .. واذكرونا في دعاؤكم

22 التعليقات:

مهندس مصري يقول...

صور جميلة جداً
:)
و برج رهيب

habiba يقول...

كل سنه وانت طيب وبخير
كل سنه وانت الى الله اقرب
حمد الله على سلامتك

بس سؤال انت جايب الصور دى علشان تكرهنا ف عيشتنا؟
:)
عيد سعيد عليك يارب

بنت الاسلام يقول...

الـــســـلام عليـــكــم ياحــــبـــيــب
اولا حمدا لله على عودتك وربنا يفرج كربك وييسر لك امورك
ثانيا كل سنة وانت طيب وربنا يبلغنا يوم النحر
كنت ديما اسمع ان دبى قطعة من بلاد اوروبا واد اية الصور فوق رائعة وايدت الكلام دة ماشاء اللة ربنا يحفظها ويحفظ اهلها وكل مسلم فيها حمد للة على سلامتك مرة تانية
وربنا يطمنا عليك

بنت الاسلام يقول...

كم فرج بعد اياس قد أتى
وكم سرور قد أتى بعد الاسى
من يحسن الظن بذى العرش جنى
حلو الجنى الرائق من شوك السفا

أو كما قال
ما بين غمضة عين وانتباهتها
يغير اللة من حال الى حال

هون على نفسك وربنا يفرج كربك يااااارب

بنت الاسلام يقول...

بالرغم انى قفلت الكمبيوتر وقمت عشان انام لان عندى شغل الصبح بدرى الا انى نسيت اقول حاجة مهمة جدا معلش استحملنى شوية

بالرغم ان الصور جميلة جدا الا ان الراحة النفسية مش بنلاقيها فى اى مكان
فالراحة مش بالمكان وبس ولكن بالناس اللى بتعيس وسطهم واللى بتتلاقى بينكم الحب والمودة
الصدق والاخاء
حتى ولو كانو يعيشون فى اوحش مكان فى العالم


ويمكن دة ردى على كلام الاخت حبيبة
(انت جايب الصور دى علشان تكرهنا فى عشتنا)


مالى اعيش فيى المكان الراقيا
والناس حولى كالذئاب اكلا
ماتت قلوبهم والود بينهم راقدا
اذا رجوتهم رايت قلوبهم ميتا

دعواتى لك بكل الخير

mohamed ghalia يقول...

صور رائعة
ربنا يكرمك دوما ويسعد حبيب قلبى

أحمد (زوج مخنوق سابقا ) يقول...

السلام عليكم يا حبيب
ربنا يتقبل منا و يعينا على العمل الصالح في عشر ذي الحجة دول
دبي بصراحة فعلا بقت من احلى مدن العالم ان لم تكن احلاهم فعلا
كمية استثمارات عقارية مهولة بصراحة
سواء برج دبي او البرج الدوار او حاجات كتييييييير

تحياتي و دعواتك

(أم البنين) يقول...

السلام عليكم ورحمة الله وبركاته
ربنا يتقبل منا ومنكم و يعينا جميعا على العمل الصالح في عشر ذي الحجة الصور جميله
جزاك الله خيرا

جمعاوى روش طحن يقول...

عود حميد

_:

حسن حنفى يقول...

يارب نعرف نستغل العشر الاوائل

كل عام وانتم بخير

دعواتك

مولان يقول...

عااااااااااااااااااا مش اول تعليق

اولا كل سنه وانت طيب ياحبيب والحمد لله انك بخير واعذرني علي التقصير بس انت عارف الظروف

بس بجد صور جميله اووووووووووووووي

بس كده عقدتنا اهئ اهئ اهئ

عالم حبيب يقول...

مهندس مصري

انت أجمل : )


habiba

الأخت الفاضلة كل عام وأنتي بخير .. ولا أكرهكم في عيشتكم ولا حاجة .. يمكن في موضوع تاني بأفكر أكتبه بعنوان دبي الوجه الآخر .. ليس معنى أن بلد فيها شوية مباني عالية وشوية تكنولوجيا إنها جميلة من كل النواحي .. أنا بس مريت من أمام المباني دي فأخدت شوية الصور دي



مبدأيا ليا وجهة نظر إن هناك تناسب عكسي بين أي مدينة فيها تطاول في البنيان .. والراحة النفسية

عالم حبيب يقول...

بنت الاسلام

وعليكم السلام ورحمة الله وبركاته

أسعدني مرورك ما شاء الله .. الله يسلمك يارب .. هي قطعة فعلا من أوروبا لكن مش كلها .. يعني في أماكن عادية خالص .. أشهر المباني العالية دي ومن ضمنها برج دبي في شارع واحد اسمه شارع الشيخ زايد


بالرغم ان الصور جميلة جدا الا ان الراحة النفسية مش بنلاقيها فى اى مكان
فالراحة مش بالمكان وبس ولكن بالناس اللى بتعيس وسطهم واللى بتتلاقى بينكم الحب والمودة
الصدق والاخاء
حتى ولو كانو يعيشون فى اوحش مكان فى العالم



كلامك صح مية في المية .. الموضوع مش بالمباني ولا بالجمال الظاهر للأماكن


أخيرا ما شاء الله .. إيه التقدم ده في الكمبيوتر والإنترنت .. أهلا بكِ في عالم التدوين وننتظر مدونتك وكتاباتك إن شاء الله

تقبلي تحياتي

عالم حبيب يقول...

mohamed ghalia

أسعدك الله أخي الحبيب .. دائما يسعدني مرورك

احمد ( زوج مخنوق سابقا)ـ

آمين يارب .. تقبل الله منا ومنكم صالح الأعمال

فعلا حجم الأعمال كبير جدا فيها .. وإن كانت تأثرت نوعا ما الأن بالأزمة الإقتصادية .. كثير من المشاريع توقفت وبدأوا في الإستغناء عن عدد كبير من العمالة

عالم حبيب يقول...

أم البنين

وعليكم السلام ورحمة الله وبركاته

بارك الله مرورك أختى الفاضلة

تقبل الله منا ومنكم وجزاكم الله كل خير


جمعاوي روش طحن

جزاك الله خير ياباشا

عالم حبيب يقول...

حسن حنفى

إن شاء الله .. وفقنا الله لما يحب ويرضى وكل عام وأنت بخير يأبو علي


مولان

كل عام وأنتي بخير أختى الفاضلة

شفاكي الله وعفاكي وحمدا لله على سلامتك

بلاش موضوع التعقيد : )

شوفي ردي على الأخت habiba

حسن حنفى يقول...

كل سنه وحضرتك طيب وبخير يارب

mahasen saber يقول...

كل عيد وانتا بالف خير وسلام يا حبيب
واسرتك واهلك بكل سعاده

ربنا يعوده علينا عيد مبارك علينا وعلى كل امة سيدنا محمد

أكون أو لا أكون يقول...

كل عام وانتم بالف خير... والاهل والاصدقاء...
كل عام وامتنا الاسلاميه بالف الف خير... كل عام وامتنا الاسلاميه عزيزه كريمه ومنصوره باذن الله تعالى...

!!! عارفة ... مش عارف ليه يقول...

عندي سؤال

إحنا فين بقى من الكلام ده كله؟
يعني أهووو ممكن وجايز وبيحصل

طب أمتى بقى إن شاء الله هنتحرك ؟

ولا زي ما بيقولوا البلد بتتحرك وهي بتتشعبط في سبينسة القطر


-----------

كل سنة وانت طيب

وعيد سعيد عليك إن شاء الله

تحياتي
وليد

المستنصر بالله يقول...

دبى جميله فعلا

كل سنه وحضرتك بخير

تحياتى

Beram ElMasry يقول...

اخى . عالم حبيب
السلام عليكم ورحمة الله وبركاته اجمل التهانى بمناسبة عيد الاضحى المبارك اعاده الله عليكم وجميع الاهل بالخير والبركة ، وجعلنا واياكم من الملبين فى العام القادم
والسلام عليكم ورحمة الله