بسم الله الرحمن الرحيم
طبعا الأول أوضح سبب غيابي عن المدونة وعن الأنترنت كله الفترة اللي فاتت لإنقطاع الإنترنت عندي والإنشغال جدا في العمل.. وإن شاء الله أحاول أتواصل معاكم بين وقت والتاني .. ودائما أحتاج دعواتكم الطيبة
سبحان الله الأيام اللي فاتت تحديدا من يوم الأربعاء والجو هنا في الإمارات وتحديدا دبي .. مطر وبرق ورعد .. العجيب إن ده أول مرة يحصل من سنين .. إن يكون في شهر ابريل مطر .. سبحان الله القادر على كل شئ .. المفروض هنا الناس ودعت ما يسمى مجازاً " فصل الشتاء " طبعا لأنه بيكون اسابيع معدودة ومش شتاء زي اللي احنا عارفينه في مصر وبيستعدوا بقى لحر الصيف والله المستعان
حبيت اشارككم ببعض الصور اللي أخذتها أمس واليوم للمطر والجو الرائع ده
هنا الناس بتستبشر بالمطر خير .. وبيهنوا بعض بيه .. بيقولوا : مبارك عليك الرحمة .. لأن الزراعة تعتمد بشكل كبير على المطر .. وبسبب شدة الحر طول السنة .. يعني فترة الجو بيكون فيها جميلورائع
دي وأنا في طريقي للعمل الصباح .. كنت في شارع الشيخ زايد .. ومن كتر المطر والرؤية مش واضحة أخدت طريق غلط ولفيت لفة حلوة :)
مشهد أفقي لدبي من مكان مرتفع
البنايات المرتفعة في الخلفية هي بنايات شارع الشيخ زايد الشهيرة .. وفي الأسفل عبارة عن مجمع فلل
الجو غائم
المبنى ده هو مول الإمارات
يظهر في الخلفية فندق برج العرب بشكله المميز
المطر غسل الشوارع وسكن الرمال
المياه متجمعة في الشوارع
سيارة البلدية تقوم بشفط المياه المتجمعة
رحلة العودة والأمطار لا زالت مستمرة
الصور اللي فاتت كلها كانت امس .. وسبحان الله اليوم
الشمس طلعت والجو كان حر ورياح شديدة .. لحد الظهر وبعد كده عادت الأمطار من جديد
وطبعا ما يحلاش لعب الكورة إلا في المطر :)
يلا .. أراكم على خير .. ودعواتكم .. في حفظ الباري