ألف مليوووووون مبروووووك حبيبي شادي
كنت أتمنى أكون معاك يوم زواجك .. لكن الظروف أحياناً بتكون أقوى من الجميع .. سبحان الله في كتب الكتاب ربنا قدر وكنت موجود في مصر وحضرت .. أد ايه كنت مبسوط ساعتها .. لكن المرة دي ماليش نصيب .. يلا خير
اليوم فرح أخي وحبيبي في الله " شادي " على أخت حبيبي بشمهندس أحمد باشا .. الفرح شغال دلوقتي .. وأنا هنا لوحدي .. بجد بجد كنت أتمنى أكون معاكم
جسمي معي غير أن الروح عندكم .. فالجسم في غربة والروح في وطن
بجد ياشادي من أول يوم عرفتك فيه .. وأنا والله حبيتك في الله جدا .. روحك الحلوة .. همتك العالية .. أحسبك من المخلصين ولا أزكي على الله أحدا .. الابتسامة اللي دايما لا تفارق وجهك ما شاء الله .. كل مرة بتقابلني فيها وتاخدني بالحضن كأني غايب عنك من سنين .. يااااه .. ربي يسعدك يارب ويوفقك لكل خير إن شاء الله
وما شاء الله ربي أكرمك بزوجة صالحة ولله الحمد .. بيت " أحمد " أعرفه كويس .. بيت ما شاء الله ملئ بالخير والبركة .. أدعوا الله إنه يملأ بيتكم بالسعادة حبيبي ويرزقكم بالذرية الصالحة
أحقاً ما ارى أم في السباتِ
أنال حبيب قلبي المكرماتِ ؟
هنيئاً يا مُنى روحي هنيئاً
بما حَقَّقْته مــن أمنيـــــــــاتِ
وأنت شريك أفراحي ودربي
وأنت القلب ينبض بالحيـــاةِ
تزوج نور عيني نبضُ قلبي
فأشرق نوره في الخافقاتِ
مبارك والسرور يفيضُ مني
ففرحك فرحُ قلبي يا غلاتي
بارك الله لكما .. وبارك عليكما .. وجمع بينكما في خير
0 التعليقات:
إرسال تعليق