2009-01-27

في التأني السلامة .. بخصوص شكل المدونة

بسم الله الرحمن الرحيم
والصلاة والسلام على أشرف المرسلين صلى الله عليه وسلم


من يومين كنت قاعد أشتغل في " ثيم " اللي هو التصميم والشكل لمدونة تانية غير مدونتي .. ومن السرعة وأنا بأشتغل كنت فاتح أكثر من صفحة في المتصفح فقمت واخد الكود بتاع التصميم ولاصقه في مدونتي بالخطأ .. وظهرتلي رسالة تأكيد قمت اخترت " موافق " وطار التصميم بتاع مدونتي والحمد لله رب العالمين :) فأفتكرت المثل " في التأني السلامة " وإن شاء الله ما فيش ندامة ولا حاجة وكل شئ يتعوض :) ـ


المهم


حبيت آخد رأي حضراتكم في حاجة .. الأول هو الشكل القديم للمدونة للي مش فاكره كان قريبا من اللي في الرابط ده



طبعا دي مدونة كنت عاملها للتجربة فقط .. لتنسيق المواضيع فيها قبل أضعها في مدونتي

فحابب رأيكم .. المدونة إما تكون 3 صفوف أحلى ( زي الشكل القديم ) .. ولا إما تكون بصفين زي الموجودة دلوقتي بحيث المساحة للكتابة بتكون أكبر ؟
كمان حاجة .. بالنسبة للخط المستخدم .. شفتم الخط اللي في رابط المدونة اللي حطيته فوق اللي هو - تاهوما - ده أحسن ولا الخطوط العادية زي اللي بأكتب بيه دلوقتي أحسن من حيث الراحة للعين في القراءة ؟


ياريت تقولوا رأيكم .. عارف إن الموضوع نسبي ..بس ياريت أعرف رأيكم لأنه يهمني جدا .. معلش هأتعبكم معايا .. جزاكم الله كل خير

13 التعليقات:

حسن حنفى يقول...

اعتقد ان الشكل القديم كان افضل

mohamed ghalia يقول...

متهيألى المدونة دى هايلة
دمت بكل الود

(أم البنين) يقول...

والله الشكل الجديد كمان لطيف
ومنور
والقراءة فيه مريحه
بارك الله فيك

كيــــــــــــارا يقول...

اولا فعلا في التاني السلامه


بالنسبه للخط انا بحب اوي tahoma بحس انه رقيق وكلامه واضح عكس الخطوط التانيه

بالنسبه ل3 او 2

بفضل انها تكون 2 عشان مساحه البوست هتبقي افضل لكن 3 بحس ان مساحة البوست هتكون صغيره

وشكل المدونه كدا رقيق ولو حابب تشوف استايلات تانيه في اللينك دا

http://btemplates.com/

تحياتي

جنّي يقول...

السلام عليكم

كيف حالك اخ حبيب لعلك بخير والحمد لله ..

الموجودة اراها من وجهة نظري افضل ..

د.توكل مسعود يقول...

هذا الاستايل أفضل من القديم .. وفقك الله .. ونتمنى ألا تغيب علينا

انت تسال والكمبيوتر يجيب يقول...

دعوه
الأخ العزيز/او الأخت العزيزه
تحيه طيبه
ندعوك للمشاركه فى برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام وهو يذاع يوميا التاسعه وعشر دقائق صباحا عدا الجمعه وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا
المدونه
http://netonradio.blogspot.com
الموقع
http://dear.to/cairo

جمعاوى روش طحن يقول...

وجهة نظرى المتواضعة


الأول أحسن كتيير

Habiba يقول...

ازيك ياحبيب
اسفه لتقصيرى فيك

بخصوص المدونه ياسيدى الشكل القيدم كان كويس
بس ده بيتهيألى افضل لان التانى زياده الحاجات اللى فى الشريط عالجنبين كانت ممكن تدى احساس باللخبطه
والمساكه كمان كده افضل
وبخصوص الخط بيتهيألى ده احسن
بحس ان تاهوما معقد كده :)

أحمد سعيد بسيوني يقول...

كده احسن

والخيرة فيما اختاره الله

** القــــلـــب المنـــكـــســر** يقول...

السلام عليكم

موضوعك جميل جميل اووووووووووي

*&*&*&*&*&*&*&*&*&*&*&

و يارب تكون كدا علطول في ادائك الرائع ده

*&*&*&&*&*&*&*&*&*&*&*&*

دمت بكل ود و سلام

*&&******&*&*&*&*&*&*&*&*&

القلب المنكسر

&*&*&*&*&*&*&*&*&&*&*&*

و اخيرا بقي مش فاكر هههههههه سوري

&*&*&*&*&*&*&*&*&*&*&
سلاااااااااااام

عالم حبيب يقول...

بارك الله فيكم إخواني وأخواتي وجزاكم الله كل خير جميعا

طبعا أنا كنت حابب أراؤكم لأنها تهمني جدا .. إنتم اللي هاتقرأوا ودي مدونتكم

أنا شايف إن الأغلبية على إن الشكل الجديد أفضل .. فإن شاء الله استقريت على الشكل ده مع إضافة لمسات خفيفة

صراحة أنا بأحب شكل المدونة يكون من تصميمي وإن شاء الله يعجبكم ويكون خفيف في التصفح

في شخص واحد منتظر رأيه .. بس معلش لأن مش عنده نت اليومين دول .. وأظن رأيه من رأيي :)

جزاكم الله خير

fashkool يقول...

الله يسلمك من كل شر يا حبيبى ويديك العافيه ويوفقك