القاهرة تحترق .. مجلس الشورى يشتعل .. ومجلس الشغب يغرق في بحار من اللهب .. قلب القاهرة توقف عن النبض .. آلمتنى هذه الصورة كثيرا وأنا أتابع الأحداث
تابعت على شاشات الفضائيات كما تابع غيري .. لم يكن ألمى لأهمية المكان كما يتغنى به الكثير .. فحريق بيت مبني بالقش والطوب اللبن لا يقل عندي أهمية عن أن يحترق مجلس الشغب ومجلس السورى
وإنما كان ألمى على مدى العجز والضعف الذي تعاني منه بلدنا الحبيبة .. بسبب الشلة إياها .. لا أتصور أن ما حدث من الممكن أن يحدث في أقل البلاد وأضعفها امكانيات .. فمجلس شورى القبائل في طورا بورا لا يمكن أن يحدث فيه هذا وإن كان مجرد خيمة في قلب الصحراء .. فبالتأكيد أن هذه الخيمة مجهزة بأجهزة انذار مبكر ضد الحريق
احترق المجلس بكل ما فيه من مستندات ووثائق .. من المفترض أنها تسطر لتاريخ مصر في الفترة الحالية والسابقة .. بكل ما يحمله هذا التاريخ من فترات حالكة الظلام .. بكل تأكيد احترقت ملفات العبارة السلام .. واحترقت ملفات احتكار أحمد عز لأقوات المصريين .. واحترقت ملفات نواب القروض .. واحترقت ملفات الاعتقالات العشوائية والمحاكمات الظالمة .. ولكن ابشر اصحاب هذه الملفات أن لا يفرحوا فالتاريخ مسطر في قلوبنا وعقولنا .. والتاريخ لا ينسى
يخرج علينا الدكتور سرور – المسرور دائما حتى والمجلس يحترق – وصفوت بيه الشريف على الشاشات ليعلنوا الخبر السعيد الذي سيغير وجه الحياة على سطح الكرة الأرضية .. وهو أن الدورة البرلمانية ستعقد في موعدها المحدد – ايه الحلاوة دي – ويتفلسف الدكتور سرور ويقول : إن مجلس الشغب والسورى لم يحترقوا – أمال يادكتور سرور ايه اللي اتحرق – يقول : إنما الذي احترق هو المبنى فقط ولكن مجلس الشغب والشورى باقين – شفت أزاي بقى – ياسلام ياولاد ايه الجمال ده
أخيرا والشئ بالشئ يُذكر .. من عدة أيام دخلت المطبخ لإعداد بعض الطعام .. كانت " فرخة " .. والفراخ طبعا ما تتاكلش غير محمرة .. حطيت الفرخة تتحمر .. ذهبت إلى الغرفة المجاورة .. نسيت الأكل في الفرن بعض الوقت .. تسللت رائحة الدخان إلى أنفي .. جئت مسرعا وقلبي ينبض خوفا من أن يصل الدخان إلى جهاز انذار الحريق المثبت في السقف والذي بدوره سيرن منذرا بحريق ويقوم بالاتصال بشكل اوتوماتيكي بالمطافي .. كل هذا من أجل " فرخة بتتحمر " لا مجلس شغب ولا مجلس سورى
2008-08-24
قراءة في حريق مجلس الشغب ومجلس السورى
الاشتراك في:
تعليقات الرسالة (Atom)
30 التعليقات:
هيييييييييييييييه اول تعليق
السلام عليكم
ازيك ياهندسه
اسلوب مصريين بق ماتستغربش
اول تعليق بس بحجز وهقرا واعلق
سلام مؤقت
حريق مجلس الفراخ
:)
الأخت الفاضلة habiba
وعليكم السلام ورحمة الله وبركاته
الله يسلمك .. وجزاكي الله خير وفي انتظار تعليقك ان شاء الله
حبيبنا عصفور المدينة .. كعادتك .. المختصر المفيد .. تعليقك جميل وأسعدني أسعد الله قلبك
يالله بجد مناقشتك للموضوع بجد اثر فيا جدا رغم انى سمعت بالحريق قبل كدة
بس انت بجد خلتنى اقول ياحسرة عليكى يابلد
بجد ولسة طول ماحنا فى مصر منستغربش
حسبى الله ونعم الوكيل
اسلوبك بيط ويشد
وعجبتنى اوى حتة الفرخة دى ههههههههه بجد مقارنة تحمل الكثير من المعانى باسلوب لذيذ وطعمه حلو ((:
تحياتى
ايمى
أخى الحبيب
ليس لدى ما أقول
أنا آسف
تقبل تحياتى
السلام عليكم ورحمة الله
ازيك ياخى الجميل
واسفه للتأخير ف التعليق بس بجد ربنا يعلم الظروف
المهم بخصوص موضوعك
فعلا حاجه غريبه
بس مش ملاحظ ان تقريبا كل ماسات الكهربا مش بتحصل غير عند الحكومه
اى حريق يحصل يقولوا ماس وكانهم هما بس اللى عندهم نور واحنا لا هههههههههه ربنا يحفظنا
بس السئ بقى ان من غلب الناس تعليقاتها كلها على الموضوع ده انه شماته اللى يقول احسن
واللى قول يستاهلوا
واللى يقول ياريت النواب كانوا فيه
من غلبهم
ربنا يحفظنا
دمت بخير
انا لله وانا اليه راجعون
ياترى اللي جي حرق ولا غرق ولا الاتنين
حسينا الله ونعم الوكيل
أختى الفاضلة ايمي .. بارك الله مرورك وتعليقك الكريم .. المشكلة ان ده الواقع وكتير بيصيبنا باليأس .. لكن ان شاء الله هايتغير .. بس أهم حاجة نهتم بالفرااااااااااااااخ :)
وعليكم السلام ورحمة الله وبركاته أخي الحبيب : مع اصراري
احيانا كثيرة لا نملك ما نقوله .. أعذرك أخي الحبيب واسعدني مرورك
habiba اه .. مشكلة دي .. كله ماسات في ماسات .. ما فيش بنزين ولا عود كبريت
بس الشماتة باللي حصل ده مش صح .. مهما كان دي بلدنا .. ربنا يحفظنا يارب
أختى الفاضلة عاشقة النقاب
الله المستعان .. ان شاء الله اللي جاي احسن .. ربنا يعيننا يارب ويحفظ بلادنا ويحفظ المسلمين يارب العالمين
السلام عليكم
لم أقرأفى المدونه إلا هذا الموضوع حتى الآن
ولكنه جذبنى لأن أكمل باقى مواضيع المدونه
أما تعليقى عن الموضوع
مثلما قيل اليوم فى الدستور
التامين عندنا تامين سياسى فقط
لتامين حياة الرئيس والمحيطين به
أما الشعب والكلام الفارغ ده
مش فى حسبانهم
حسبنا الله ونعم الوكيل
دمت بخير
حسبتا الله ونعم الوكيل
No comment on what happened
السلام عليكم ورحمة الله وبركاته
فعلا شئ محزن ويدعو للأسى أن لا تستطيع دوله كمصر ليست بالحجم القليل الذى لا يقوى على السيطره على حريق وحريق ليس فى منطقه عشوائيه انما فى مجلس الشعب والشورى
ولكن اقول انه ليس فى الامكان ابدع مما كان ما هو المتوقع من حكومة لا تستطيع توفير لقمة عيش نظيفه لابنائها وما هو المتوقع من حكومة لم تنصر اهالى الضحايا المكلومين فى حادثة العباره وكذلك فى الاعتصامات وكدر المعلمين والسجون التى تعبأ بالمظلومين
الى هنا نستطيع الجزم فى القول بأن مطبخ حضرتك الذى شهد بداية احتراق الفرخه افضل من مطبخ الحكومة الذى لم يستطع انقاذ حياة الاف من المصريين فى طيات ورقه
دومت بخير اخى الفاضل كالعاده موضوع مثير للمناقشه
كل عام وانت الى الله اقرب وفىطاعته ادوم
ورمضان كريم
والسلام عليكم ورحمة الله وبركاته
الأخت الفاضلة تلميذة سلمان الفارسي
وعليكم السلام ورحمة الله وبركاته
أسعدني مرورك جزاكي الله خير
بكل اسف كما ذكرتي التأمين واخذ الحذر والحيطة في بلادنا من أجل حماية " الكبارات " فقط .. أما الشعب مش مشكلة .. الله المستعان
بارك الله فيكي
عبدالهادى_سارة
أسعدني مرورك حتى من غير تعليق
وعليكم السلام ورحمة الله وبركاته مؤمنة
حياكي الله
بالفعل أختي الفاضلة كما ذكرتي .. حكومة فشلت في تقديم أقل ما يحتاجه المواطن الكادح والمطحون في دوامة الحياة .. لم تستطع ان تطفأ الحريق المندلع في قلوب المصريين .. بالتالي لن تستطيع أن تطفئ حريق مجلس الشغب والسوري
بجد البلد بقي فيها استهتار جامد
ربنا يعافينا
بس انت بس حاسب على الفرخه
كله يهون الا دى
على فكرة دى فضيحه ليهم
وبعدين نت مأخدتش بالك هما كانوا بيبوشوه علشان يعملوه مركب عايم ايه فهمكم فى الفكر العالى ده بس
عموما انا مش زعلان بجد خليهم يتفضحوا اكتر
يعنى لو ما كانتش الملفات دى اتحرقت يا حبيب كان ايه اللى هايحصل ما هى مرميه بقالها سنين فى الادراج ولا ليها أى لزمه وفلوس عز عماله بتزييد وصاحب العباره خرج وما حدش يعرف عنه حاجه كأنها كانت محروقه بالظبط.
لو شفت حلقة العاشرة مساءاً يوم الأحد 25 أغسطس هاتكتشف إنهم كانوا بيطفو الحريق بطريقة غلط ساعدت على دمار المبنى !!!!
ده ايه الفكاكة دى
كَان يَاما كَان شِلة فَاسْدِين
قَعَدِت تطبُخ في القَوانِين
والمَقَادِير كانوا ينَقُّوها
على نَار هَاديَة وبيسوُّوها
والظاهر نيِّتهم وِحشة !
إتحَرَقِت بعد ما سَلَقُوها
المداخلة دى من عند محمد شمس الدين
أظنها مناسبة جداا
ولا إيه يا هندسة ؟
حبيبي الغالي حسن حنفي
أسعدني مرورك
الله المستعان .. ان شاء الله الاستهتار وعدم المبالاة دي تتغير بينا
أوعى تفكر
اطمن الفرخة بخير وتم السيطرة على الحدث وكل الأمور تمام
أختي appy
بارك الله مرورك الكريم
ربنا يهدي
بس المشكلة انهم مش هما اللي بيتفضحوا .. دي مصر هي اللي بتتحرق .. لأن بكل اسف المفروض انهم الواجهة .. بس للأسف واجهة منيلة
بن الخطاب .. حياك ربي أخي الحبيب
شوف أخي .. مهما طال الزمان زي ما قلت ان التاريخ لا ينسى .. أين ابو جهل وابو لهب .. اين الظلمة على مر التاريخ .. في مزبلة التاريخ
في يوم من الأيام هايدخلوا المزبلة دي من أوسع ابوابها
أخي الحبيب قلب مصري
ايوة شفت الحلقة .. هما متخصصين في " العك " زي اللي راح ينقذ واحد من الغرق فقام مغرقه .. كمان ربنا يرحم الشخص اللي مات في الحريق من فرقة الاطفاء .. دايما الغلابة هما الضحية
حبيبي جمعاوي
في مكانها تمام التمام
ربنا يكرمك .. وأسعدني مرورك
اولا جزاك الله خيرا على مدونه خالد الرشد بجد رائعه من الدعاه اللى باحترمهم جدا
وعلى فكرة جديدة فكره حضرتك فى موضوع ان ملفات العباره واحمد عز وغيره من حراميه الاربعين حرامى اتحرقوا وطبعا ملفاتهم اتقفلت للنهايه
تخيل لم يصل تفكيرى انهم ممكن يحرقوا البلد علشان كدة
حسبى الله ونعم الوكيل
كل سنه وحضرتك طيب
رمضان كريم
إرسال تعليق