2010-04-20

مصر تحتل المرتبة ال 70 بالتقرير العالمي لتكنولوجيا المعلومات

بسم الله والصلاة والسلام على رسول الله صلى الله عليه وسلم

كنت أتصفح جريدة الأهرام عدد الثلاثاء 13 ابريل 2010 .. فوجدت هذا البحث .. أعجبني وأحببت أن تشاركوني قراءته .. قمت بتلخيصه كي يكون سهل مبسط

طبعاً اللي يشوف مقاهي الإنترنت التي تعمل 24 ساعة والشباب اللي قاعد ليل نهار على النت قدام الكمبيوتر يقول إننا بسم الله ما شاء الله حاجة تفرح يعني .. بعد ما كان اللي عنده كمبيوتر ياما هنا ياما هناك .. أنا شخصياً كنت من الأشخاص المعدودين في منطقتي عندما امتلكت اول كمبيوتر سنة 2001 .. دلوقتي لا يخلوا بيت من كمبيوتر .. والمحمول أصبح في إيد الجميع بداية من الطفل في الحضانة إلى ما شاء الله .. التكنولوجيا أصبحت منتشرة ومتوفرة في كل مكان

الواحد لما كان بيشوف كل ده .. كان بيقول في نفسه إننا حصل عندنا في مصر طفرة كبيرة جداً في التكنولوبيا .. لكن الواقع غير كده .. التقرير العالمي لتكنولوجيا المعلومات بيقول إن مصر تحتل المركز ال 70 .. أنا شايف إن كلمة ( تحتل ) دي غلط .. لأن تحتل يعني تحتل بمزاجها .. الأنسب استخدام كلمة ( تقع في المركز ال 70 ) علشان احنا وقعنا ولا حدش سمى علينا

التقرير العالمي لتكنولوجيا المعلومات لا يهتم طبعا بمظاهر التكنولوجيا اللي اتكلمت عليها في مجتمعنا المصري ولكن هناك معايير واضحة وضعها تعالوا نشوفها مع بعض .. واللي بين قوسين ده ترتيب مصر عالمياً

1- معايير تقع مسئوليتها على وزارة التنمية الإدارية

أ- المعيار الخاص بمؤشر الخدمات الحكومية على الإنترنت ( 23 ) ـ
ب- المعيار الخاص بمؤشر المشاركة الإلكترونية ( 41 ) ـ
ت- المعيار الخاص بإستخدام تكنولوجيا المعلومات وكفاءة الأداء الحكومي ( 53 ) ـ
ث- انتشار تكنولوجيا المعلومات في المؤسسات الحكومية ( 71 ) ـ
ج- مدى تدريب الموظفين ( 106 ) ـ

2- معايير تقع مسئوليتها على وزارة العدل

أ- المعيار الخاص بفعالية الإطار القانوني في فض المنازعات ( 39 ) ـ
ب- المعيار الخاص بحماية الملكية الفكرية ( 58 ) ـ
ت- فعالية الإطار القانوني ( 63 ) ـ
ث- حقوق الملكية ( 67 ) ـ
ج- عدد الإجراءات المطلوبة لتفعيل العقود ( 99 ) ـ

3- معايير تقع مسئوليتها على القطاع الخاص

أ- المعيار الخاص بمستوى انتشار الإنترنت بالمؤسسات والشركات ( 45 ) ـ
ب- مستوى استيعاب التكنولوجيا في المؤسسات والشركات ( 54 ) ـ
ت- المعيار الخاص بإنفاق الشركات على البحث العلمي ( 54 ) ـ
ث- استخدام براءات الإختراع ( 86 ) ـ

4- معايير تقع مسئوليتها على وزارة التعليم العالي

أ- معيار المتاح من العلماء والمهندسين ( 53 ) ـ
ب- معدل الإلتحاق بالتعليم العالي ( 63 ) ـ
ت- مستوى جودة كليات الإدارة ( 114 ) ـ

5- معايير تقع مسئوليتها على وزارة التجارة

أ- جودة الموردين المحليين ( 104 ) ـ
ب- مستوى الرضا لدى المشترين ( 106 ) ـ

6- معايير تقع مسئوليتها على وزارة المالية

أ- مدى تأثير الضرائب ( 52 ) ـ
ب- معدل الضرائب الكلي ( 75 ) ـ

7- معايير تقع مسئوليتها على وزارة البحث العلمي المدمجة حاليا في التعليم العالي

أ- جودة مؤسسات البحث العلمي ( 101 ) ـ
ب- الوصول للإنترنت بالمدارس ( 95 ) ـ

8- معايير تقع مسئوليتها على وزارة الكهرباء

أ- مستوى إنتاج الكهرباء محلياً مقارنة بعدد السكان واحتياجاتهم ( 85 ) ـ


معايير مشتركة بين عدد من الجهات

1- معايير تقع مسئوليتها على وزارتي التعليم والتعليم العالي

أ- جودة نظام التعليم ( 123 ) ـ
ب- مستوى جودة تعليم الرياضيات والعلوم ( 124 ) ـ

2- معايير تقع مسئوليتها على وزارتي التعليم العالي والإتصالات

أ- توفر خدمة البحث والتدريب محلياً ( 78 ) ـ

3- معايير تقع مسئوليتها على وزارة التعليم العالي والقطاع الخاص

أ- تعاون الجامعات والصناعة في البحث العلمي ( 96 ) ـ

4- معايير تقع مسئوليتها على وزارة المالية والإستثمار

أ- إتاحة رأس المال مخاطر ( 34 ) ـ
ب- الرضا عن سوق المال ( 85 ) ـ

أفضل 10 مراكز ( اللهم لا حسد )

تقع بين المركز 18 - 32

1- تعريفة خطوط الإتصالات عالية السرعة
2- الوقت المطلوب لبدء العمل
3- تكلفة الإشتراك الشهري للتليفون المنزلي
4- توافر خطوط التليفون الجديدة
5- تكلفة الإشتراك الشهري للتليفون الأرضي التجاري
6- مؤشر الخدمات الحكومية على الإنترنت
7- تعريفة الإتصال الثابت
8- نجاح الحكومة في الترويج لتكنولوجيا الإتصالات والمعلومات
9- تعريفة الإتصال للمحمول
10- عدد الإجراءات المطلوبة لبدء العمل

اسوأ 10 مراكز ( اللهم لا شماتة )

تقع بين المركز 106 - 124

1- مستوى الرضا لدى المشترين
2- مدى جودة كليات الإدارة
3- مدى تدريب الموظفين
4- تكلفة توصيل التليفون المنزلي
5- تكلفة توصيل التليفون الأرضي التجاري
6- الوقت المطلوب لتنفيذ العقود
7- صادرات التكنولوجيا العالمية
8- جودة نظام التعليم
9- مستوى جودة تعليم الرياضايات والعلوم
10- صادرات الصناعات الإبداعية

مش عارف أقول إيه !!

8 التعليقات:

مع اصرارى يقول...

مصطفى يحتل المركز الأول فى التعليق على المقال

مش كدة ولا إيييييه؟

هاا إيييه؟

saad يقول...

مبروك مصر وقعت في السبعين اقدم ملحوظ في إستغلال التكنلوجيا هههههه أحمد الله نحن أظن لم نبلغ هذه النسبة

كلمات من نور يقول...

إحنا كده في الذيل يا ولدي؟

الواحد يقول إيه؟؟؟ إنا لله و إنا إليه راجعون والله حاجة تحزن ...

سمو الامير يقول...

ولا انا

:(

نفسي نستخدم التكنولوجيا صح

بدل التخلف اللى بنشوفه ده

أم الخــلـود يقول...

اصحى يا نايم ووحد الدايم

(حملة الجسد الواحد)

أرجوا من المدونين الموقرين أن يضعوا شعار الحملة واسمها فقط فوقها (حملة الجسد الواحد) في الشريط الجانبي لمدوناتهم كدلالة على وحدة صف أمة محمد، ومن أجل قيام الولايات المتحدة الإسلامية

لمزيد من المعلومات

http://dndanh111.blogspot.com/2010/06/blog-post_14.html

جعله الله في ميزان حسناتكم .. آمين

واحد من العمال يقول...

السلام عليكم

حاجه تكسف والله
وعشان نتحرك لفوق فى القائمه أو فى كل القوائم
لازم حاجات كتير تتغير فى مصر
حتى أحنا كمصريين لازم نتغير للأفضل
وقبل ذلك يجب أن ننظر لأحوالنا الحاليه بغضب
ودمت أخى بخير حال

saad يقول...

السلام عليكم أخي حبيب
أرجوا أن تشاركني التدوينة
ماذا تقرأ

واحد من العمال يقول...

السلام عليكم

لاحول ولا قوه إلا بالله
مش عارف يا أخى الفشل مصاحبنا ليه
يكونش بيحبنا

وأنت فين لعل المانع خير وطمنا عليك

وكل عام وأنت بخير حال