بسم الله الرحمن الرحيم
قمت أمس بزيارة لمعرض جيتكس دبي .. وهو أكبر معرض للكمبيوتر والتكنولوجيا في الشرق الأوسط .. قمت بزيارة المعرض العام الماضي واقتنيت كمبيوتري منه .. وحرصت على زيارته هذا العام بالرغم من عدم نيتي شراء شئ معين .. لكن وميض جيتكس يخطف الأبصار .. أحببت أن أتعرف على آخر ما توصلت إليه التكنولوجيا
المعرض في أرض المعارض بجانب مطار دبي
لكي تصل لابد أن تتحمل الزحمة .. زحمة جدااااا .. كأن دبي كلها في طريقها للمعرض
أخيراً وصلت
وقفت في شباك التذاكر .. بالرغم من الزحمة لكن التنظيم والوقوف في الصف بانتظام سهل علي الحصول على تذكرة الدخول ب 20 درهم
جميع الشركات العالمية متواجدة
مايكروسوفت أيضاً متواجدة .. وأطلقت في نفس اليوم نسختها الجديد ويندوز 7
أتذكر عندما ظهر ويندوز فيستا حرصت على اقتنائه .. طبعا نسخة غير أصلية :) .. لكن حصلت على نسخة أصلية مجانية عندما أشتريت جهاز الكمبيوتر الخاص بي العام الماضي .. لا أعلم هل نحن بحاجة إلى الترقية إلى الويندوز الجديد سفن .. ربما .. لكن ياترى كم سعر النسخة من الويندوز الجديد ؟ .. الصورة القادمة فيها اسعار النسخة الجديدة من ويندوز 7 .. السعر بالدرهم الإماراتي
نسخة أصلية من كاسبر سكاي آنتي فيروس
سعر نسخة الكاسبر سكاي 135 درهم .. لكن هناك ملاحظة بالنسبة لأسعار البرامج مثل الويندوز والآنتي فيروس وغيرها من البرامج .. الأسعار خيالية بالنسبة لنا .. ما الذي يدفعني للحصول على نسخة أصلية من الويندوز ب 500 درهم أو نسخة آنتي فيروس ب 135 درهم بينما يمكنني الحصول عليها من الإنترنت مجاناً .. نعم نسخة مضروبة لكن تمشي الحال .. ينبغي على الشركات أن تراعي الأسعار بالنسبة لمستخدمي الشرق الأوسط
جولة داخل المعرض
يتم السحب على التذاكر والفائز سيحصل على هذه السيارة ـ لكن طبعا مش احنا
بتوع الكلام ده :) ـ
جانب ترفيهي لتجربة أحدث أجهزة الألعاب .. الموظفين سايبين الشغل وبيلعبوا :) ـ
طبعا أنا طلعت من الموضوع ده كله إني اشتريت هارد دسك خارجي .. للأسف الهارد بتاعي توقف عن العمل في نفس اليوم وعليه كل ملفاتي :( .. واشتريت نسخة آنتي فيروس مكافي لكن نسخة عام 2009 طبعا بسعر جيد 45 درهم .. على فكرة نسخة 2009 تعمل مثل النسخة الجديدة اللي سعرها أضعاف طالما قمت بالتحديث عن طريق الإنترنت .. وكمية كبيرة من " البرشورات " ومجلات الكمبيوتر فيها الجديد عن الكمبيوتر والتكنولوجيا
أتمنى أكون أفدتكم إن شاء الله .. جزاكم الله خير
22 التعليقات:
السلام عليكم
يارب يكون اول تعليق
انا كنت هروح المعرض بس بعد البوست دى مش هحتاج اروح انزل الصور الى المحطوطه وخلاص مهو اهم حاجه الصور وبعدين انا كنت هتعب فى المواصلات هركب من امبابه للدقى واخد المترو لدبى مشوار برضه
مشكوره على الصور
ويا ريت تشرفينى بزيرتك
يالا ياعم روحت المعرض وانا فى البيت
دا حاجة مية مية .
بقى مسخة الويندز ..بتسعمة درهم يعنى حوالى 1400 جنية مصرى ..لية
ياعم ابو بلاش مفيش احسن منة
وابو بلاش كتر منة
هو اى النسحة بتقعدلها هر وتضطر تعلمها تانى ..بس اخر تمام
تسل ياباشا على الصور الجميلة دى
احسن حاجة انك بتعرف تمشى حالك :) وبعدين مش بعيد انك تكسب العربية ياراجل سيب الحلم يتحقق
ربنا يحفظك :)بنت الاسلام
انا رحت معارض زي دي في الكويت , في ارض المعارض الدولية , بجد بتكون تحفة
يا جامد ..
يا جامد
جوله جميله مبروك عليك الهارد والانتى فيرس تعيش وتجيب وتكتب لنا عشان نبارك لك وماله يعنى اللى بينزل من على النت كله شغال
صباح الجيتكس و الوايرات
تقرير جميل ..
تشرفت بمعرفتك : ) !
السلام عليكم ..
ماشاء الله تقرير مفصل وجميل في هذا العام لم يكن الحماس موجود لزيارت المعرض ...
...
بس سعر الكاسبر فعلا مرتفع ....
النسخه القديمه كانت أرخص ...
....
في أمان الله
ايه الصور الجميله دي
انت بتعرف توثق الاحداث بالصور و دي موهبه جميلة
انت محتاج كاميرا احترافيه هتغير شكل صورك لانك موهوووووووووووووووب
تحياتي
السلام عليكم
سعيدة جدا بزيارة حضرتك
واجابتك اسعدتنى
واكيد مستنية الزيارة علشان تشوف انا قصدى ايه
تحياتى لك
السلام عليكم
جزاكم الله كل خير
نتمنى زيارتكم لمدونه حمله بادر
ما شاء الله
تكنولوجيا والله
دمتم بخير
تقبل تحياتي
السلام عليكم
مشكووور جدا
وتسلم الايادي
جولة رائعة
والبوست السابق كمان
ويا ربي ابقى ازورها فيوم
سمسم / سما
جوله جميله كأنى كنت فى المعرض وقطعت تذكره
ربنا يكرمك يا حبيب
ما شاء الله
و كأني كنت هناك
ربنا يبارك فيك وفي جولتك والصور والتعليقات بس عندي تعليق صغير بقى على نسخة الويندوز الأصليه و الانتي فيروس الأصلي برضه و النسخ اللي بنسميها في مصر المضروبة
معاناتنا مع كمبيوتراتنا بسبب النسخ المضروبة وهاهو الدليل الهارد ديسك المسكين بتاعك اللي راح معاه حاجات خاصة بك مهمة
أنا من يوم ما بقيت انزل نسخة ويندوز أصلية و أنتي فيرس أصلي ارتحت أينعم الاولاد بيخربوا الكمبيوتر كل فمتو ثانية بس باقدر بنسخي الأصليه أصلحه و أعمل فورمات للسي و أنا محتفظه بكل ما هو مهم بعيد عن السي...بس في الأخر أقولك شكرا لهذه الجولة الكمبيوترية
السلام عليكم
جولة جميلة ومباركة
السلام عليكم ورحمة الله وبركاته
تقرير شامل ومفصل
وصور جميلة جدا...
ما شاء الله ..دبي دايما احلى واحلى
اول زيارة للمدونة
وان شاء الله هزورها على طول
:)
السلام عليكم
صور جميله
وفقك الله لما يحبه ويرضاه
كانى ذهبت الى المعرض
وكان ناقص بس الشراء
الصور رائعة ومعبرة
وبوستاتك بتاخدنا لدبى دون ان نعانى عناء السفروواضح انها بلد راقية وجميلة
اشكرك على زيارتك لى ودعواتك ايضا
تحباتى
السلام عليكم ورحمة الله.
رابع زيارة لي ولاول مرة سأترك اثر.
حقيقة دبي تغريني بشكل كبير.واتمنى فعلا أن أزورها.اتمنى عشاء فاخر في برج العرب.وتسوق انيق في افخم اسواقها.
وقبل هذه الامنيات...اتمنى أن اعرض ازيائي في احد اشهر المعارض فيها.
بوستاتك كلها صور من دبي خليتني اسرح واطلق العنان لخيالي.
اما بخصوص المعرض بحياتي لم احضر معرض كهذا ولو اني حضرته لشتريت لاب توب من نوع HP.
هذا هو الشيء الوحيد الذي يلزمني.
اجمل تحية للأخ الحبيب.
السلام عليكم ورحمة الله وبركاته
شكرلك على أنك أتحت لنا فرصة أن شاركك هذه الزيارة الممتعة.
إرسال تعليق