2009-10-06

عندما تأتيك الطعنة من الداخل



بسم الله والصلاة والسلام على رسول الله صلى الله عليه وسلم

قال تبارك وتعالى: أَفَرَأَيْتَ مَنِ اتَّخَذَ إِلَهَهُ هَوَاهُ وَأَضَلَّهُ اللَّهُ عَلَى عِلْمٍ وَخَتَمَ عَلَى سَمْعِهِ وَقَلْبِهِ وَجَعَلَ عَلَى بَصَرِهِ غِشَاوَةً فَمَنْ يَهْدِيهِ مِنْ بَعْدِ اللَّهِ أَفَلا تَذَكَّرُونَ [الجاثية:23]

المشهد

شيخ الأزهر يتجول في أحد المعاهد الأزهرية ليرى مدى الإستعدادات لمواجهة انفلونزا الكتاكيت .. يرى فتاة ترتدي النقاب .. فيتوقف .. ويأمر الفتاة بخلع النقاب .. فحاولت الفتاة الدفاع عن نقابها بأنها لا تحب أن يراها أحد .. فرد شيخ الأزهر المحترم منفعلاً: قلت لك إن النقاب لا علاقة له بالإسلام وهو مجرد عادة، وأنا أفهم فى الدين أكتر منك ومن اللى خلفوكى .. قامت الفتاة بخلع نقابها فلما ظهر وجهها علق شيخ الأزهر قائلاً : أمال لو كنت حلوة شوية كنت عملتى إيه؟

هذه الواقعة ينقلها الصحفي أحمد البحيرى الذي شهد الواقعة لبرنامج 90 دقيقة والموضوع بالكامل موجود على جميع المواقع الإخبارية

وقفات

عندما تأتيك الطعنة من الخارج قد تكون مستعد لها حتى إن أصابتك فهي من عدو يتربص بك .. أما أن تأتيك الطعنة من الداخل تكون أشد ألماً

وظلمُ ذوي القربى أشدُ مضاضةً على النفسِ من وقع الحسام المهندِ

لن أتحدث عن النقاب فهو إما فريضة أو أنه فضيلة أو على أقل تقدير حرية شخصية .. إنما كلامي عن موقف شيخ الأزهر نفسه .. والطريقة اللي اتكلم بيها .. كنت زمان اسمع ناس كتير تعيب في السيد طنطاوي بدءا من فتواه بتحليل الربا ومصافحته بيريز في مؤتمر حوار الأديان وفتواه بأن الحجاب شأن داخلي في فرنسا.. مرورا بمواقف كثيرة سوداء مسجلة في تاريخه .. وكنت في كل موقف المدافع عن الرجل وأقول للمنتقد هل عندك نصف علمه

السؤال الذي يدور في ذهني الأن : هل تحول منصب شيخ الأزهر إلى " طرطور " ينفذ التعليمات .. رحم الله زماناً كان للأزهر شأن ودور .. الكلمات التي تلفظ بها وطالما يفاجأنا بها شيخ الأزهر لا تصدر من انسان جاهل

فتاة اختارت أن ترتدي النقاب انت مالك ومالها .. وتغلط في اللي خلفوها ليه !! وبعدين .. أين أنت ياشيخ الأزهر من قول الله تعالى : قُلْ لِلْمُؤْمِنِينَ يَغُضُّوا مِنْ أَبْصَارِهِمْ [النور:30] عندما أطلقت نظرك وقلت للفتاة : أمال لو كنت حلوة شوية كنت عملتى إيه؟ .. لا حول ولا قوة إلا بالله العلي العظيم

الأن فقط عرفت لماذا اختارت فرنسا شيخ الأزهر لترسل اليه وزير الدخلية ليسأله عن الحجاب .. عرفت أنهم أي فرنسا وغيرها استطاعوا أن يبنوا لهم قاعدة .. عندما احتلوا هؤلاء بلادنا لم يرحلوا عنها إلا عندما أرسوا كلمة نابليون : كأس وغانية تفعلان بالأمة المحمدية ما لا تفعله المدافع والدبابات والأسلحة

اتق الله ياشيخ الأزهر .. واعلم أنك بين يدي الله مسئول .. والصورة التي في الأعلى هذه لنساء في الغرب يُحاربن في حجابهن بسبب فتواك .. اتق الله واذهب إلى جامعات مصر وعظ الكاسيات العاريات بدلاً من أن تفرد عضلاتك على فتاة في عمر الزهور .. وحسبنا الله ونعم الوكيل

35 التعليقات:

أمل حمدي يقول...

حسبنا الله ونعم الوكيل

حسن حنفى يقول...

حسبي الله ونعم والوكيل

شوشو يقول...

مدونه جميله


وبوست جميل ايضا

وحسبى الله ونعم الوكيل

تحياتى

شوشو

طوبه فضه وطوبه دهب يقول...

حسبنا الله ونعم الوكيل انا واحده من الناس شايفه ان النقاب قمه الحريه الشخصيه لبسته ولا لا دى حاجه تخص اللى لبساه وتخص علاقتها مع ربنا هو اللى بيحاسب مش احنا ابدا

اقدم عاصمه فى الحب يقول...

السلام عليكم

بجد اللى حصل ده
انا مش قادر استوع اللى حصل ده بجد
حسبنا الله ونعم الوكيل
حسبنا الله ونعم الوكيل
ربنا اللى هيحاسبوا
شكرا لنقلك للموضوع ده لينا
جزاء الله خير
ليتك تتقبل مرورى ومودتى :)

Darsh Basha يقول...

كلع بعد الموضوع عمك شيخ الازهر وقال ان ممنوع دخول طالبات منتقبات المعاهد..ولا المدن الجامعية .

ووزير التعليم العالى طلع وراة ..وقال ممنوع دخول المدن الجامعية بالنقاب..مهو ملوش شخصية.

طيب زى ما هم شايفين نفسهم اوى كدة..لية بيدخلوا بنات لابسين اعوذ بالله فى الجامعات ..ولا هيقولك حرية شخصية هنا.

هى الحرية الشخصية مبتبنش غير عند دول
وربنا يستر علينا يارب

نـــــور يقول...

هتصدق انى من كتر ماتعبت من الراجل ده ياحبيب بقيت اقول ربنا يزيده عشان بس ربنا يضل بيه الناس ويجزيه بده جحيم فى نار جهنم ؟؟؟!!

( : ريحانة الجنة يقول...

السلام عليكم
بجد انا اول ماسمعت من اخويا اللى حصل دة ماسدأتش لانى متخيلتش ان كلام زى دة يخرج منة حتى ولو كان اية !قولت يمكن اشاعات بس الموضوع شكلة بجد:(
حسبى الله ونعم الوكيل وانا لله وانا الية راجعون

نعيب زماننا والعيب فينا
وما لزماننا عيب سوانا

اللهم اذا اردت فتنة قوم فاقبضنا غير فاتنين ولا مفتونين


دعواتى لك بكل الخير:)بنت الاسلام

( : ريحانة الجنة يقول...

ملحوظة بس عايزة اقولها ان فية ناس بتدعى علية كتير انا عن نفشى مش بحب كدة المفروض انة من خلق المسلم انة مايدعيش على اخية المسلم حتى ولو فعل كبيرة من الكبائر
كل اللى نملكة فعلا الدعاء فبدل ماندعى علية ندعيلة بالهداية هو والمسلمين اجمعين مش بعيد على ربنا انة يهدية ويرجعة للطريق الصح
انة ولى ذلك والقادر علية (ماحدش يفتكر انى بدافع عنة بالعكس ربنا يعلم اللى جوايا بس برضة ماندعيش علية )

الرسول علية الصلاة والسلام كان يدعو ويقول (اللهم اعز الاسلام باحدى العمرين عمر بن هشام او عمر بن الخطاب)وكانو سعتها كفار مابالك بقى باللى بيشهد ان لا اله الا الله وان محمد رسول الله

الفصلاة وسلام عليك ياحبيبى يارسول الله



:)بنت الاسلام

mohamed ghalia يقول...

اللهم ألهمنا رشدنا

كلمات من نور يقول...

يرفض الحق المستفيد من الباطل ولا تعليق إضافي

akeed يقول...

حسبنا الله و نعم الوكيل

اللهم ارحمنا

جلال كمال الجربانى يقول...

وكمان بيسخر من ملامحها ومستوى جمالها
كده تبقى مصر الرسميه عيانه فعلاً
وربنا يشفى
لاحول ولا قوه إلا بالله
ولله الأمر من قبل ومن بعد

غير معرف يقول...

بدناش نخلص تخلف؛ الي بدها تتنقب تئد في البيت استرلها ؛ عالم متخلفة بصحيح.

جنات يقول...

السلام عليكم ...

بوست قيم وجميل ... الله يكون بالعون

شكرا

جنات

حـــلـــم كـــان يقول...

والله العظيم اللى يعمل كده شخص ميستحقش حد يعلق عليه اصلا

مهرة سالم يقول...

لا حول ولاقوة إلا بالله...

عالم حبيب يقول...

ماما أمولة

حسن حنفي

الله المستعان وربنا يهدي

عالم حبيب يقول...

شوشو

جزاكم الله خير

طوبه فضه وطوبه دهب

هما عندهم حرية التعري بس للأسف .. وربنا يهدي

عالم حبيب يقول...

اقدم عاصمه فى الحب

وعليكم السلام ورحمة الله وبركاته

الله المستعان أخي الحبيب .. أسعدني مرورك :)

Darsh Basha

تزامن موقف شيخ الازهر مع قرار وزير التعليم يدل على أن العملية متطبخة ومدبر لها بليل والله المستعان

أسعدني مرورك أخي الحبيب

عالم حبيب يقول...

نـــــــــــــور

لا لا ربنا يهديه .. كمسلمين لا ندعوا على أحد .. وربنا يهدي

عالم حبيب يقول...

( : ريحانة الجنة

وعليكم السلام ورحمة الله وبركاته

كلامك صح .. المفروض من المسلم ألا يدعوا على مسلم .. وندعوا الله أن يهدينا ويهدي كل مخطئ ويتجاوز عنا يار ب العالمين

أسعدني مرورك

عالم حبيب يقول...

mohamed ghalia

اللهم آمين .. جزاك الله خير يامحمد

كلمات من نور

الله يجعلنا من أهل الحق .. جزاكم الله خير

عالم حبيب يقول...

akeed

الله المستعان


واحد من العمال

ربنا يشفي يارب

عالم حبيب يقول...

غير معرف

كفاية اسلوب حضرتك في الرد بيدل على إن ده قمة التحضر .. الله المستعان

عالم حبيب يقول...

جنات

وعليكم السلام ورحمة الله وبركاته وجزاكم الله خير


حـــلـــم كــــان

صحيح .. بس احينا الواحد بيكتب علشان ما ينفجرش من الغيظ .. الله المستعان


نهــــــــــار

لا حول ولا قوة الا بالله والله المستعان


-----------------------------

جزاكم الله خير على مروركم

مدونون من اجل الاقصي يقول...

السلام عليكم
ربنا يبارك فيك
طب اقل ما فيها يحترم نفسو
ولا البنت الصغيرة
طب لاش
يقول عالاقل حرية شخصية
تقول ايه
سبحان الله
علشان يكمل مسلسل الزلات والسقطات له
حسبنا الله ونعم الوكيل

بنت الأسلام يقول...

أسفة للتعليق خارج الموضوع
توفى إلى رحمته الله تعالى والد المدون (أبو صهيب ) تغمدة الله برحمتة واسكنة فسيح جناتة.
فى ختمة فى مدونة أبو صهيب أرجو المشاركة بها
http://miikha.blogspot.com/

رابطة هويتي اسلامية يقول...

السلام عليكم

حسبنا الله ونعم الوكيل على كل من يتآمر على الاسلام واهله

اقترب الساعه فقد وسد الامر لغير اهله وضيعت الامانه امانه العلم

جزاكم الله خيرا
ونتمنى مشاركتكم لنا فى حمله مدونتى نظيفه

عاشق الجنة من الإخوان صلى على النبى يقول...

هنقول حسبنا الله ونعم الوكيل
فينك وفين مشاركاتك الجميلة
ولا بتتقل علينا
يسر الله لك كل خير
صلي علي النبي

كريم مصطفي سيد يقول...

استقيل يرحمك الله
غار لانة جبان وثار لانة حقير
وان مجدك على مثلةعسير وعصي
لاتزيلين سترك لو مهما يصير
ديننا صبراً واخلاص اصبري واخلصي
صح مفتي وشيخ ازهر وعالم كبير
بس ماهو علي ذرية آدم وصى
ومن يجامل بأمور الدين مافية خير
قومي وقولي لشيخ الضلال معصي
طبع بعد الاوادم مثل طبع ؟؟؟؟؟؟
مايدل الطريق الا بضرب العصي

r يقول...

شيخ الازهر اصبح تابع للحكومه ففتاويه السابقه كانت تأتى دايما على هوى المسئولين فيها وعن مصر عموما
فمتستغربش واحد بيفتى والناس تتبعه على غلطه
اى شئ
انا اللى مأسوفه ليه فعلا البنت الصغيره اللى يمكن من عمر احفاده
فين الرحمه والذوق والاسلام اللى المفروض هو اساسه

ربنا يرحمنا جميعا منه ومن امثاله

دمت بخير

حياتى يقول...

او لزياره لى كنت بمر بالصدفه على المدونات فلاقيت مدونه حضرتك

انا مختلف كتير مع اراء حضرتك خصوصا اللى فى البوست ده وللحظ انى لسه كنت كاتب بوست مضاد لرايك

رفم الاختلاف يمكننا ان كون اصدقاء

تحياتى

سلام

إسراء توكل مسعود يقول...

حسبنا الله ونعم الوكيل

***

"اكتمال الصورة" التدوينة الجديدة في بلاوطن .. تسعدنا مشاركتكم

تسنيم محمود حسين يقول...

السلام عليكم ورحمة الله وبركاته

حسبى الله ونعم الوكيل...
رحمنا الله من هذا الزمان الذى وصل فيه الأمر الى انكار شء من شرائع الإسلام ومن الإسلام ولكن هذا الإنكار من من..من بنى جلدتنا وللأسف من ندعوهم حماة الأزهر والدين ...حسبنا الله ونعم الوكيل...
جزاك الله خيرا..

والسلام عليكم ورحمة الله وبركاته