بسم الله والصلاة والسلام على رسول الله صلى الله عليه وسلم .. دي شوية صور صورتها الأيام اللي فاتت حبيت اشاركها معاكم .. لتكبير الصور فقط بالضغط عليها
المجموعة الأولى بشاطئ جميرا بدبي .. وفندق برج العرب ساعة الغروب
دي صورة هاتف داخل كشك كانوا بيستخدموه زمان في الاتصال .. ولسة موجود الهاتف والكشك في شارع المطار بدبي
ركبت مترو دبي لأول مرة أول أمس وصورت بعض صور
صورة لمحطة المترو .. رصيف المترو له أبواب .. لما بيجي المترو بيقف موازي تماما لأبواب الرصيف ويفتحوا مع بعض علشان ما حد يسقط على القضبان
داخل المترو
جدران محطة المترو
صور لبرج دبي وشارع الشيخ زايد من داخل المترو
صور غروب وأنا في طريقي من دبي إلى أبو ظبي أمس
صورة لناس أوقفوا سيارتهم لأداء صلاة المغرب على جانب الطريق
أتمنى الصور تعجبكم : )
في أمان الله
32 التعليقات:
ماشاء الله ايه الحلاوه دى
بجد صور رائعه
السلام عليكم
طبعا الصور رائعة وشكلك كدة بتحب الغروب اوى :)
فى حفظ الله:) بنت الاسلام
السلام عليكم
.
.
الصور جامده اخر حاجه
جميله اوى دبى
يا بختك بالاماكن اللى انت فيها دى
.
.
.
تقبل ودى واحترامى :)
ماشاء الله صور رائعة
الصور مبهرة ودبي الآن بالفعل وكأنها قطعة من أوروبا
لكني
لا أحب دبي.. تثقلني تلك المادية المتجسدة هناك في كل مكان.. تخنقني
ربما ابهرتني الصور لكنها لم تمسني من الداخل.. لم تبعث شعور رقيق -سوى بالطبع صور الغروب- وأعلم جيدا أنه يخترقني صورة بيت ريفي وسط حقل وأنه يبعث في نفسي سكن ما لا تصطنعه المادية والحداثة...
إلا أن تصويرك محترف ماشاء الله.. وفكرة البوست جميلة:)
دمت بكل خير
فى إطار حملة مدونتى عنوانى تستضيف رابطة هويتى إسلامية المدون محمد غالية صاحب مدونة هل تبحث عن السعادة
فى نقاش عام وحوار مفتوح حول موضوع الحملة .
والدعوة مفتوحة للجميع للمشاركة معنا فى النقاش من أجل الإفادة والإستفادة
نتمني منكم مشاركتنا من أجل تدوين أفضل
تحياتنا
أسرة رابطة هويتي إسلامية
جميييل ربنا يبارك فيك
صور جامدة
السلام عليكم
صور جميله جدا
اول مره اشوف صور لدبى كده
واحلى صوره اخر صوره الصلاه فى اى مكان طاعه الله
وفقكم الله
السلام عليكم...
ماشاء الله صور جميله..
والأهم أن الشاطئ والمترو فضيوا ....
....
بارك الله في الرجال المتوقفين لصلاه...
صورة المترو من الداخل شئ وهمى
حلوة الصور تسم ايدك
تحياتى
جميلة الصور جداً
و عجبتني فكرة أبواب الرصيف بتاع المترو دي
يارب يطبقوها عندنا في مصر
اسمح لى ياعزيزى ان اعلق بلا مجامله
اولا لاارى فى الصور شىء غير عادى شاطىء بحر عادى جدا لا معنى له تحت جراره 50 درجه فى لهيب الصيف وبنايات تم استيرادها وزرعها فى قلب الصحراء كما تستورد كل السلع الغاليه التى تزغلل عيونكموتجعلكم تنسون الجمال الحقيقى فى مصر شطآن على طول بحرين ويكفى كورنيش مدينه واحده كالأسكندريه ولن اذكر جمال بحر مرسى مطروح او شرم الشيخ ...فهل لديهم شى من هذا؟ بل هل يمكنهم شراءبعض هذا الجمال باموال الدنيا؟واذا ربطنا هذه الصور واعجابك المستتر بكبارى علويه وابراج اسمنتيه بدفاعك عن النقاب المستورد هو ايضا من الخليج بينما نساء السعوديه ثائرات عليه وربما سمعت عن الأعلاميه السعوديه نادين البدير او وجيهه الحيضرى...اذا اضفنا كل هذا نجد انك ممن استعاروا وطنا لا لشىء الا لثرائه الهابط عليهم بالصدفه البحته ودون مجهود ليغطى مؤفتا على فقرهم الحقيقى الذى يمكن ان يعودوا اليه يوم يخترع الغرب الكافر الصليبى بديلا رخيصا للنفط ...واخيرا مش عيب ترددكلمات مما يفبركه المتطرفون الذين توقفت عقولهم عن التفكير وتنقل عباره لنابليون تثير الشفقه والضخك ولم تسال نفسك اين قالها وما مصدرها وهل كان فى وقته دبابات !!!!!الغريبه انهم رغم الكاس والغانيات متقدمون ومبدعون بل يصدرون كل ما تنبهر به عيونكم فتستعيروا وظنا غير وطنكم حتى لو كان كما يبدو فى صورك بكل هذا القبح ولكن حبيبك ينضغلك الظلط
وكلما ارتميت بهذا الشكل عند اقدام الخليجيين رخص سعركم عندهم ومعهم حق فمن لا يحترم نفسه ووطنه يستحق المهانه
مهاجر فى وطنى
أسعدني مرورك :)
( : ريحانة الجنة
وعليكم السلام ورحمة الله وبركاته
طبعا الغروب رائع
أسعدني مرورك :)
اقدم عاصمه فى الحب
وعليكم السلام ورحمة الله وبركاته أخي الخبيب
هي الصور حلوة بس مش يابختي بيها أوي :)
كريم مصطفي سيد
أسعدك الباري
واصطنعتك لنفسي
اتفق مع حضرتك تماماً .. أحيانا استشعر أنها بلا روح
جزاكم الله خير
رابطة هويتي اسلامية
الفكرة جميلة إن شاء الله نشارك معكم
عصفور المدينة
أسعدني مرورك يابشمهندس
مدحت محمد
:)
المجاهد الصغير
وعليكم السلام ورحمة الله وبركاته
جزاكم الله خير
نهــــــــــار
وعليكم السلام ورحمة الله وبركاته
بس لاحظت إن أغلب اللي راكبين المترو راكبينه سياحة .. متهيألي لسة لما يخلص خالص هايكون مفيد فعلا في التنقل
الفقيرة إلى الله أم البنات
جميل فعلا المترو
مهندس مصري
ازيك يابشمهندس .. لك وحشة
فعلا حلوة علشان الأمان
مصري
اسمحلي ارد على كلامك
اولا لاارى فى الصور شىء غير عادى شاطىء بحر عادى جدا لا معنى له تحت جراره 50 درجه فى لهيب الصيف
ما حدش قال إن الصور فيها شئ غير عادي .. يعني عنوان الموضوع مش صور سوبرمان ولا باتمان ولا اي شئ خارق .. صور عادية جدا .. وبعدين الجو الايام دي جميل جدا .. لو جيت هاتنبسط جدا :)
بنايات تم استيرادها وزرعها فى قلب الصحراء كما تستورد كل السلع الغاليه التى تزغلل عيونكموتجعلكم تنسون الجمال الحقيقى فى مصر شطآن على طول بحرين ويكفى كورنيش مدينه واحده كالأسكندريه ولن اذكر جمال بحر مرسى مطروح او شرم الشيخ ...فهل لديهم شى من هذا؟
انت بتقارن بين جمال مصر والصور .. طيب ياستاذنا هو حد عمل اي مقارنة ؟؟ بس اسمحلي اسألك عن شواطئ شرم الشيخ .. تقدر حضرتك تروح هناك ؟ الشواطئ هناك للأجانب ياكابتن ولا أنت مش من مصر !!
وبعدين بقية كلامك صراحة مش عارف أرد عليه لأنه ملغبط .. يعني دخلت الحجاب مع النقاب مع نابليون فأنا مش عارف ايه علاقة ده بالموضوع .. وختمتها بشتيمة :(
أتمنى لو كان عند حضرتك الشجاعة وتعلق باسمك ومدنتك علشان نتناقش
تحياتي :)
وأينما ذُكر اسم الله في بلد .. عددتُ ذاك الحمى من صلب أوطاني
:)
بجد الصور تحفة ووضح انه معرض رائع
انا الى غاظنى المترو الفاضى ده شكلنا هنبدأ نحقد بقى ابعتلك صور المترو هنا أكيد شوفتها هههههههههههه
وكما وعدناكم بأن تستمر حملتنا وتأتي بكل جديد
ضيف حوارنا هذه الرسالة :::
الأستاذ معتز شاهين - باحث تربوي
صاحب مدونة إحنا وهما
وهي مدونة تهتم بالإستشارات التربوية
نتمني منكم المشاركة معنا في الحوار لمزيد من الإستفادة ولمزيد من الإفادة
مع تحياتنا
أسرة رابطة هويتي إسلامية
ما شاء الله
الصور جميلة جدا..
طبعا مش من الامارات ...
نفسي ارجعلها تاني ..احسن بلد :)
بس المترو جامد جدا
هزور مدونتك على طول عشان اشوف
صور حلوة كده من دبي دار الحي
:)
صور رائعه حقاً
دبى جميله فعلاً
تحياتى
إرسال تعليق